Son Xəbər: Nəzrin ölümünə görə həbs olunan həkim azadlığa çıxdı, Xidmət rəisi Neftçalada vətəndaş qəbulu keçirəcək, Sumqayıtda irigövdəli ağac qaz xəttinin üzərinə aşıb, 650 abonent qazsız qalıb, Bakı Teleqüllə Kompleksində müayinə və layihələndirmə işləri görüləcək, Təbriz, Ərdəbil və Zəncana əlavə təhlükəsizlik qüvvələri yeridilib, FHN dumanlı havaya görə kiçikhəcmli gəmi istifadəçilərinə müraciət edib, Azərbaycan nefti cüzi ucuzlaşıb, Gəncənin pravoslav icması Milad bayramını qeyd edir, Memar Əcəmi stansiyasının 4-cü çıxışı müvəqqəti bağlanacaq, Cahangir Hacıyevin mühafizəçisinin oğlu ağır cinayətdə İTTİHAM OLUNUR,

Qaradağda günəş elektrik stansiyasının tikintisinə icazə alınması müddəti uzadılıb

Tarix: 5-01-2026, 11:02

Qaradağda bərpa olunan enerji mənbələrinin ərazisində günəş elektrik stansiyasının tikintisinə icazə alınması müddəti uzadılıb.

APA-nın xəbərinə görə, Nazirlər Kabineti bu barədə qərar verib.

Qərara əsasən, “Bakı şəhərinin inzibati ərazisində dövlət mülkiyyətinə aid torpaq sahəsinin bərpa olunan enerji mənbələrinin ərazisi kimi müəyyən edilməsi haqqında” Nazirlər Kabinetinin 2023-cü il 25 dekabr tarixli qərarı ilə Bakı şəhəri, Qaradağ rayonu, Pirsaat qəsəbəsi ərazisində yerləşən bərpa olunan enerji mənbələrinin ərazisi kimi müəyyən edilmiş torpaq sahəsində günəş elektrik stansiyasının tikintisinə icazə alınmasının müddəti “Elektrik enerjisi istehsalında bərpa olunan enerji mənbələrindən istifadə haqqında” qanuna uyğun olaraq 1 il müddətinə uzadılıb.

Dövlət Şəhərsalma və Arxitektura Komitəsi tikintiyə icazə verildikdə həmin gündən, müəyyən edilmiş müddətdə tikintiyə icazə verilmədikdə isə müddət başa çatdığı gündən üç gün müddətində bu barədə Nazirlər Kabinetinə məlumat verməlidir.